You are currently viewing Institute, Oda Bultum University agrees to conserve Biodiversity

የኢትዮጵያ ብዝሀ ሕይወትኢንስቲትዩት የብዝሀ ሕይወት ጥበቃን አስመልክቶ ከኦዳ ቡልቱም ዩኒቨርስቲ ጋር የመግባቢያ ሰነድ ተፈራረመ

የኢትዮጵያ ብዝሀ ሕይወት ኢንስቲትዩት እና የኦዳ ቡልቱም ዩኒቨርስቲ በብዝሀ ሕይወት ላይ በጋራ ለመስራት የመግባቢያ ሰነድ (MoU) መጋቢት 13 ቀን 2017 ዓ.ም ተፈራረሙ፡፡

የተቋሙ የብዝሀ ሕይወት ጥበቃ ተግባራት ከተለያዩ ዩኒቨርሲቲዎች ጋር ተቀናጅተዋል ፡፡ ስለዚህ ከኦዳ ቡልቱም ዩኒቨርሲቲ ጋር የተደረገው ስምምነት የዚያ አካል ነው ፡፡

ስምምነቱን የፈረሙት ዋና ዳይሬክተር ዶ/ር መለሰ ማርዮ ኢንስቲትዩቱ እነዚህን ሀብቶች በብዝሃ ሕይወት ጥበቃ እና ዘላቂ አጠቃቀም ላይ እየሰራ መሆኑን ተናግረዋል፡፡ ስለሆነም ዓላማውን ለማሳካት እንደነዚህ ያሉትን ስምምነቶች መፍጠር እና ማጠናከር ያስፈልጋል ፡፡ ኢንስቲትዩቱ በብዝሀ ሕወትጥበቃ ፣ ምርምር እና ጥቅም ተጋሪነት እንዲሁም የብዝሀ ሕይወት አጠቃቀምን ለማሳደግ ከዩኒቨርሲቲው ጋር በቅርብ መሥራቱን እንደሚቀጥልም ተናግረዋል ፡፡

ዶ/ር መለሰ አክለዉም ዩኒቨርስቲዉ በብዝሀ ሕይወት ጥበቃ የራሱ የሆነ ድርሻ መዉሰድ እንዳለበት ተናግረዋል፡፡

የዩኒቨርሲቲ ፕሬዝዳንት ዶ/ር ሙክታር መሐመድ በበኩላቸው ዩኒቨርሲቲው ህብረተሰቡን በሚደግፍ ሳይንሳዊ መንገድ ብዝሀ ሕይወትን ለመጠበቅ ከተቋሙ ጋር ለመተባበር ዝግጁ መሆኑን ተናግረዋል ፡፡

“ሀብቱን ሁሉ ጠብቆ ለማቆየት እና አደጋ ላይ ያሉትን መልሶ ለመተካት ጠንክረን እንሰራለን” ብለዋል የዩኒቨርስቲው ፕሬዝዳንት ዶ/ር ሙክታር ፡፡

ኢንስቲትዩቱ እስካሁን ከሃያ ዩኒቨርሲቲዎች ጋር ተመሳሳይ ስምምነቶችን የፈረመ ሲሆን አበረታች ፍሬዎችን አግኝቷል ፡፡

አስተያየት ይስጡ