You are currently viewing National Advisory Committee on Conservation, Sustainable Utilization and Benefit sharing of Domestic Animal Genetic Resources of the country (AnGR) Underway consultation.

በቤት እንስሳት ብዝሀ ሕይወት ጥበቃ፣ ዘላቂ አጠቃቀምና ጥቅም ተጋሪነት ዙሪያ የብሔራዊ አማካሪዎች የምክክር ጉባኤ ተካሄደ

በቤት እንስሳት ብዝሀ ሕይወት ጥበቃ፣ ዘላቂ አጠቃቀምና ጥቅም ተጋሪነት ዙሪያ የብሔራዊ አማካሪዎች የምክክር ጉባኤ ተካሄደ

በቤት እንስሳት ብዝሀ ሕይወት ጥበቃ፣ ዘላቂ ጥቅምና ጥቅም ተጋሪነት ዙሪያ የብሔራዊ አማካሪዎች የምክክር ጉባኤ በኢትዮጵያ ብዝሀ ሕይወት ኢንስቲትዩት ጥር 22 ቀን 2010 ዓ.ም ተካሄደ፡፡

በውይይት መድረኩ መክፈቻ ላይ ዶ/ር መለሰ ማሪዮ የኢትዮጵያ ብዝሀ ሕይወት ኢንስቲትዩት ዋና ዳይሬክተር ኢትዮጵያ ሰፊ የቤት እንስሳት ሀብት ቢኖራትም ከሌሎች ዝርያዎች ጋር በመዳቀላቸው፣ በድርቅ ወዘተ ምክንያቶች ያሏትን የቤት እንስሳት ሀብቶች እየቀነሱና እየጠፉ መሆናቸውን ተናግረዋል፡፡ ችግሮቹን በመፍታት ያሉንን ሀብቶች በመጠበቅ ልንጠቀም ይገባል ብለዋል፡፡

ስለዚህ ችግሩን በመፍታት የሀብቱን ደህንነት መጠበቅ እና ከእሱ ጥቅም ማግኘት አለብን ብለዋል።

አያይዘውም ይህንን የቤት የእንስሳት ጄኔቲክ ሀብቶች ጥበቃ እና ዘላቂ አጠቃቀም አገር አቀፍ ስትራቴጂ እና የድርጊት መርሃ ግብር ለማከናወን ካለፈው ዓመት ጀምሮ በተቀናጀና በተሳካ ሁኔታ ተጀምሯል ብለዋል ዶክተር መለሰ።

የብሔራዊ አማካሪ ኮሚቴ አባላት እና ባለሙያዎች የብዝሃ ሕይወት ዘላቂ አጠቃቀምን ለማረጋገጥ እና በስትራቴጂው ውስጥ የተቀመጡትን ግቦች ለማሳካት አብረው ሊሰሩ እንደሚገባም አስታውሰዋል፡፡

የእንስሳት ብዝሀ ሕይወት ዳይሬክቶሬት ዳይሬክተር አቶ አብርሃም አሰፋ ሁሉም የሚመለከታቸው አካላት በተገኙበት የተዘጋጀውን የብሔራዊ አማካሪ ኮሚቴ መተዳደሪያ ደንብ አቅርበዋል።

ኮሚቴው የሀገሪቱን የቤት እንስሳት የጄኔቲክ ሀብቶች ጥበቃ ፣ ዘላቂ አጠቃቀም፣ ተደራሽነትና ተጠቃሚነት ላይ ያተኩራል ብለዋል አቶ አብርሃም።

በተጨማሪም ኮሚቴው የቤት የእንስሳትን ብዝሃ ሕይወት ችግሮችን በመቅረፍና ዝርያዎችን በመሰየም ረገድ ጉልህ ሚና ይኖረዋል ብለዋል፡፡

የብሔራዊ አማካሪዎች አባላት በበኩላቸው የዘርፉን ሀብት ፣ የዝርያዎችን የመራባት እና የመሰየምን ሂደት በተመለከተ በጋራ እንደሚሰሩ ገልጸዋል፡፡

የብሔራዊ አማካሪ ኮሚቴው የሚኒስትር መ/ቤቶችን ፣ የምርምር ተቋማትን ፣ ዩኒቨርሲቲዎችን ፣ ዓለም አቀፍ ድርጅቶችን እና ክልላዊ ጽ / ቤቶችን ጨምሮ በ 12 አባላት የተዋቀረ ነው።

አስተያየት ይስጡ